16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Քրիստինե Գրիգորյանը խոստանում է անաչառ և անկողմնակալ լինել, չնայած այժմ քաղաքական պաշտոն է զբաղեցնում․ ՏԵՍԱՆՅՈՒԹ
Քաղաքականություն
17.12.2021 | 11:15
Հայաստանի մարդու իրավունքների պաշտպանի թեկնածու Քրիստինե Գրիգորյանի կարծիքով՝ ինքը որևէ խնդիր չունի հեղինակություն լինելու հատկանիշի հետ կապված` հաշվի առնելով իր մասնագիտական հետագիծը և գործընկերների հետ անցած ճանապարհը: ՄԻՊ թեկնածուն այս մասին նշեց ԱԺ մարդու իրավունքների պաշտպանության և հանրային հարցերի մշտական հանձնաժողովի նիստում՝ պատասխանելով «Հայաստան» խմբակցության պատգամավոր Արեգնազ Մանուկյանի դիտարկմանը, որ ըստ Սահմանադրության՝ ՄԻՊ պաշտոնում կարող է ընտրվել հասարակության մեջ բարձր հեղինակություն վայելող անձը:
«Ես չեմ պնդում, որ ես ճանաչված եմ, բայց ես պնդում եմ, որ ունեմ հեղինակություն: Կարծում եմ, այս շփոթմունքը և այս խոսույթը գալիս է նրանից, որ հեղինակության կամ նման տեսակ գնահատողական հատկանիշները շատ դժվար է չափել այս ինչ խումբ մարդկանց, քաղաքացիական հասարակության կազմակերպությունների, գործադիրի կոլեգաների մոտ` այստեղից է գալիս խնդիրը: Բայց ամեն դեպքում, կարծում եմ, որ ես իզուր չնշեցի Վենետիկի հանձնաժողովի չորս չափորոշիչները` բարոյականություն, բարեվարքություն, մասնագիտական կրթություն և մասնագիտական փորձառություն: Սրանք կուտակվել են «հեղինակություն» տերմինի ներքո»,- ասաց Գրիգորյանը:
Քրիստինե Գրիգորյանը խոստացավ անաչառ և անկողմնակալ լինել, չնայած այժմ քաղաքական պաշտոն է զբաղեցնում:
Մանրամասները՝ տեսանյութում:
