18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Ադրբեջանում Ֆրանսիայի դեսպանն այցելել է Արցախի գրավյալ Մատաղիս
Քաղաքականություն
16.12.2021 | 21:05
Ադրբեջանում Ֆրանսիայի դեսպան Զաքարի Գրոսը անսպասելի այց է կատարել Արցախի գրավյալ Մատաղիս։ Այս մասին տեղեկանում ենք ադրբեջանական լրատվամիջոցներից։
Մասնավորապես, Real TV-ի հետ զրույցում դեսպանը նշել է, որ Ֆրանսիան մտադիր է մասնակցել Արցախի գրավյալ տարածքների ականազերծման գործողություններին։ Նա նաև նշել է, որ Ֆրանսիան հույս ունի արագացնել Ադրբեջանի և Հայաստանի միջև երկխոսության վերականգնումը։
«Մեր ներկայությունն այստեղ կարևոր էր։ Մենք գյուղից ոչ հեռու ական տեսանք։ Հուսով ենք, որ հնարավորություն կունենանք համագործակցել ջրամատակարարման, մելիորացիայի, էլեկտրաֆիկացման ոլորտներում։ Ֆրանսիայի կառավարությունը պատրաստ է աջակցություն ցուցաբերել։ Ադրբեջանի և Ֆրանսիայի միջև կա երկկողմ համագործակցության նախագիծ։ Ուրախ եմ տեսնել տարածքների զարգացումը։ Միևնույն ժամանակ, մենք հուսով ենք Հայաստանի և Ադրբեջանի միջև խաղաղության և մշտական երկխոսության հաստատման՝ երկու երկրների զարգացման համար»,- նշել է դեսպանը։
Նշենք, որ Արցախյան 44-օրյա պատերազմի հետևանքով Մատաղիսը հայաթափվել ու անցել է ադրբեջանական վերահսկողության տակ, սակայն կազմում է Արցախի անբաժան մասը։
Էմմա Չոբանյան
