11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
Ռուսական ընկերություններն Ադրբեջանին 13 նախագիծ են ներկայացրել՝ Արցախի գրավյալ տարածքներում իրականացնելու համար
Քաղաքականություն
16.12.2021 | 20:15
Ռուսական ընկերությունները 13 նախագիծ են ներկայացրել՝ Արցախի գրավյալ տարածքներում իրականացնելու համար։ Նման հայտարարությամբ է հանդես եկել Ադրբեջանի փոխվարչապետ Շահին Մուսթաֆաևը, գրում են տեղական լրատվամիջոցները։
«Ռուսական ընկերությունները 13 նախագիծ են ներկայացրել՝ «Ադրբեջանի ազատագրված տարածքներում» իրագործման համար։ Այդ նախագծերից մեկը ՝ «Կամազ» ընկերության նախագիծը, արդեն սկսել է իրականացվել «Արաքսի հովտի տնտեսական գոտու» տարածքում»,- ասել է Մուսթաֆաևը Բաքվում ընթացող «Ռուս-ադրբեջանական տնտեսական հարաբերությունների ներկա վիճակը և հեռանկարները ինտեգրացիոն գործընթացների համատեքստում» համաժողովի ժամանակ։
Նա նշել է, որ ՌԴ-ի և Ադրբեջանի միջև առևտրաշրջանառությունը 2021 թվականի 10 ամիսների ընթացքում աճել է 7 տոկոսով՝ կազմելով 2 մլրդ 350 մլն դոլար։
«2019 թվականին մեր առևտրաշրջանառությունը գերազանցեց 3 մլրդ դոլարը, սակայն 2020-ին համավարակի պատճառով անկում ապրեց։ Հուսով եմ, որ 2022 թվականին մենք կհասնենք նախահամաճարակային մակարդակին»,- հավելել է Մուսթաֆաևը։
Էմմա Չոբանյան
