17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ՀԱՊԿ-ից հայտնել են, որ Չինաստանի հետ համագործակցության հաստատումը կազմակերպության օրակարգում է
Քաղաքականություն
16.12.2021 | 19:41
Չինաստանի հետ երկխոսության և համագործակցության հաստատումը՝ տարածաշրջանում անվտանգության ու կայունության պահպանման համար, ՀԱՊԿ-ի օրակարգում է։ Այս մասին ՏԱՍՍ-ին հայտնել է կազմակերպության մամուլի քարտուղար Վլադիմիր Զայնետդինովը։
«Չինաստանի հետ երկխոսության և համագործակցության հաստատման հարցը ՀԱՊԿ-ի օրակարգում է։ Համարում ենք, որ փոխգործակցությունն անհրաժաշետ է կառուցել միջազգային իրավունքի համընդհանուր ճանաչված սկզբունքների հիման վրա՝ ՄԱԿ-ի կանոնադրությանն ու ՀԱՊԿ-ի կանոնադրությանը և սկզբունքներին համապատասխան»,- ասել է Զայնետդինովը։
Նա նշել է, որ ՀԱՊԿ քարտուղարությունում ողջունում են Չինաստանի նախագահ Սի Ցզինպինի հայտարարությունը՝ արված ՌԴ նախագահ Վլադիմիր Պուտինի հետ առցանց հանդիպման ժամանակ։ ՉԺՀ ղեկավարը հայտնել էր Պեկինի մտադրությունը՝ շարունակել ճկուն և բազմակողմ համագործակցությունը Ռուսաստանի և ՀԱՊԿ անդամ այլ երկրների հետ՝ տարածաշրջանում անվտանգությունն ու կայունությունը պահպանելու համար։
Էմմա Չոբանյան
