Հասարակություն
16.12.2021 | 12:47«Ես, իհարկե, չգիտեմ կենտրոնական իշխանությունների ցուցման մասին, բայց գիտեք, որ Հայկ Մարությանը իմ ընկերն է, իմ դասընկերն է, և ես ճիշտ չեմ համարում պատասխանել այդ հարցին, քանի որ այն ունի անձնական շերտ, որի մասին չէի ուզենա խոսել»,- լրագրողների հետ զրույցում նշեց Էկոնոմիկայի նախարար Վահան Քերոբյանը՝ անդրադառնալով դիտարկմանը, որ Հայկ Մարությանին անվստահություն հայտնելու գործընթաց է սկսվել՝ իշխանությունների ցուցումով, և հարցին, թե ինչպես է գնահատում Երևանի քաղաքապետի երեքուկես տարվա աշխատանքը:
Նախարարը պատասխանեց, որ ինքը չէ, որ պետք է գնահատի Հայկ Մարությանի աշխատանքը: «Որպես երևանցի ես ունեմ իմ կարծիքը, բայց դա տարբերվում է այս ամբիոնից հնչող իմ կարծիքից: Այս պահին ես նպատակահարմար չեմ գտնում խոսել այդ մասին»,- նշեց Քերոբյանը:
Հարցին, թե որպես քաղաքական թիմի անդամ կաշկանդվո՞ւմ է դրական գնահատական տալ քաղաքապետի աշխատանքին, Քերոբյանը պատասխանեց. «Կարծում եմ իշխող քաղաքական ուժում չկա այլակարծության արգելք»:
Եթե Հայկ Մարությանի անվստահության գործընթացին կողմ քվեարկեն, ինքը որպես ընկեր կպաշտպանի՞ Մարությանին. Վահան Քերոբյանը հորդորեց չանդրադառնալ այս հարցին։
Մանրամասները՝ տեսանյութում:
