16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Գերմանիան Բեռլինում ՌԴ դեսպանատան երկու դիվանագետի «պերսոնա նոն գրատա» է հայտարարել
Քաղաքականություն
15.12.2021 | 21:00
Գերմանիան Բեռլինում ՌԴ դեսպանատան երկու դիվանագետի «պերսոնա նոն գրատա»՝ անցանկալի անձ է հայտարարել՝ Վրաստանի քաղաքացի Զելիմխան Խանգոշվիլիի սպանության գործով։ Այս մասին հայտարարել է Գերմանիայի Դաշնային Հանրապետության ԱԳ նախարար Աննալենա Բերբոկը, գրում է ՌԻԱ Նովոստին։
«Այդ սպանությունը պետական պատվերով է կատարվել, ինչպես այսօր դատարանն է հաստատել, և իրենից ներկայացնում է գերմանական օրենսդրության և ԳԴՀ ինքնիշխանության կոպիտ խախտում։ Այդ պատճառով մենք զրույցի ենք կանչել Ռուսաստանի դեսպանին։ Նրան հայտարարվել է, որ դեսպանատան երկու աշխատակիցները հայտարարվում են անցանկալի անձ»,- ասել է Բերբոկը։
Բեռլինի դատարանն ավելի վաղ ռուս Վադիմ Սոկոլովին մեղավոր էր ճանաչել Վրաստանի քաղաքացի Զելիխման Խանգոշվիլլի սպանության մեջ և ցմահ ազատազրկման դատապարտել նրան։
Նշվում է, որ սպանությունը կատարվել է ՌԴ պետական գերատեսչությունների ցուցումով։
Էմմա Չոբանյան
