22.08.2026 | 20:04
Ըմբշամարտի Մ-20 ԱԱ. Հենրիկ Հայկյանը կգոտեմարտի բրոնզե մեդալի համար
Պուտինն ու Մակրոնը մանրամասն քննարկել են ԼՂ հակամարտության կարգավորման հետ կապված իրադրությունը
Քաղաքականություն
14.12.2021 | 19:12
ՌԴ նախագահ Վլադիմիր Պուտինը և Ֆրանսիայի նախագահ Էմանուել Մակրոնը հեռախոսազրույց են ունեցել՝ ֆրանսիական կողմի նախաձեռնությամբ։ Այս մասին տեղեկանում ենք Կրեմլի պաշտոնական կայքում տարածված հաղորդագրությունից։
Նշվում է, որ երկու երկրների ղեկավարները քննարկել են միգրացիոն ճգնաժամը լեհ-բելառուսական սահմանին, Ուկրաինայի շուրջ իրավիճակը, ինչպես նաև անդրադարձ Լեռնային Ղարաբաղի հակամարտությանը։
«Մանրամասն դիտարկվել է Լեռնային Ղարաբաղի հակամարտության կարգավորման հետ կապված իրադրությունը։ Վլադիմիր Պուտինը տեղեկացրել է նոյեմբերի 26-ին Սոչիում տեղի ունեցած Ռուսաստանի, Հայաստանի և Ադրբեջանի ղեկավարների եռակողմ հանդիպման հիմնական արդյունքների մասին։ Նա պատմել է, թե ինչ միջոցներ են ձեռնարկվում տարածաշրջանում հրադադարի պահպանման ռեժիմի իրագործման, փախստականների վերադարձի, առևտրատնտեսական ու տրանսպորտային կապերի վերականգնման հետ կապված»,- ասվում է հաղորդագրության մեջ։
Բացի այդ, կողմերը հույս են հայտնել, որ այսօր Բրյուսելում ԵՄ կառույցների ղեկավարների հանդիպումները Նիկոլ Փաշինյանի և Իլհամ Ալիևի հետ օգտակար կլինեն։ Կողմերը սատարել են ԵԱՀԿ Մինսկի խմբի համանախագահների գծով աշխատանքի ակտիվացման նպատակահարմարությունը։
Էմմա Չոբանյան
