22.08.2026 | 20:32
ԵԱ. Արթուր Դավթյանը մեդալ չնվաճեց
Սերգեյ Տիխանովսկին դատապարտվել է 18 տարվա ազատազրկման խիստ ռեժիմի գաղութում. հրապարկվել է «Տիխանովսկու գործով» դատավճիռը
Քաղաքականություն
14.12.2021 | 17:27
Դեկտեմբերի 14-ին Գոմելի քննչական մեկուսարանի տարածքում հրապարակվել է «Տիխանովսկու գործով» դատավճիռը։ Դատավարությունը սկսվել է հունիսի 24-ին, նիստերն անցկացվել են քննչական մեկուսարանում՝ դռնփակ ռեժիմով։ Գործով անցնող մեղադրյալներն արդեն ավելի քան մեկուկես տարի անցկացրել են ճաղերի հետևում։ Բոլորին բերման են ենթարկել դեռևս նախագահական ընտրություններից և բողոքի ակցիաների մեկնարկից առաջ, հաղորդում է currenttime.tv-ն։
Սերգեյ Տիխանովսկին, որը պատրաստվում էր առաջադրվել Բելառուսի նախագահի պաշտոնում, դատապարտվել է 18 տարվա ազատազրկման խիստ ռեժիմի գաղութում։ Սա ամենաերկար ժամկետն է նախագահական ընտրությունների քարոզարշավի և դրա արդյունքների դեմ բողոքի ցույցերի ընթացքում հարուցված քրգործերով։ Նախագահի թեկնածու Վիկտոր Բաբարիկոն դատապարտվել է 14 տարվա ազատազրկման, Մարիա Կոլեսնիկովան՝ 11 տարվա։
«Ազատություն» ռադիոկայանի մեդիա խորհրդատու Իգոր Լոսիկը դատապարտվել է 15 տարվա ազատազրկման խիստ ռեժիմի գաղութում։
Բլոգեր Վլադիմիր Ցիգանովիչը դատապարտվել է 15 տարվա ազատազրկման խիստ ռեժիմի գաղութում։
YouTube-ի «Երկիր կյանքի համար» ալիքի օպերատոր Արտեմ Սակովը 16 տարվա ազատազրկման է դատապարտվել, «Երկիր կյանքի համար» սոցիալական ցանցի մոդերատոր Դմիտրի Պոպովը՝ 16 տարվա ազատազրկման։
Չգրանցված Բելառուսի սոցիալ-դեմոկրատական կուսակցության առաջնորդ Նիկոլայ Ստատկևիչը դատապարտվել է 14 տարվա ազատազրկման։ Նշվում է, որ դատավճիռները կարող են բողոքարկվել 10 օրվա ընթացքում։
Հիշեցնենք, որ գործով ներգրավված բոլոր անձինք ճանաչվել են քաղբանտարկյալներ։
Տաթև Ֆռանգյան
