08.06.2026 | 20:35
Նիդերլանդներն աջակցում է Հայաստանին. Ռոբ Յետտեն
Պեսկովը «չափազանց կարևոր» է անվանել դեկտեմբերի 15-ի Պուտինի և Սի Ցզինպինի տեսագագաթնաժողովը
Քաղաքականություն
14.12.2021 | 15:51
ՌԴ նախագահ Վլադիմիր Պուտինի և Չինաստանի ղեկավար Սի Ցզինպինի տեսագագաթնաժողովը լինելու է երկար, օրակարգն էլ շատ ընդարձակ է։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ գործակալությունը։
«Վաղը տեղի կունենա ռուս-չինական գագաթնաժողովը․ այն լինելու է տեսակոնֆերանս նախագահ Պուտինի և Չինաստանի նախագահ Սի Ցզինպինի միջև։ Նաև ակնկալում ենք, որ լինելու է բավական երկար շփում՝ ընդարձակ օրակարգով»,-ասել է Պեսկովը։
Նա հավելել է, որ տեղի կունենա նաև մտքերի փոխանակում միջազգային հարցերի շուրջ։
«Իրավիճակը միջազգային գործերում, հատկապես՝ Եվրոպական մայրցամաքում հիմա լարված է և, իհարկե, պահանջում է քննարկում դաշնակիցների միջև՝ Մոսկվայի ու Պեկինի»,- ասել է ՌԴ նախագահի մամուլի խոսնակը։
Նրա խոսքով՝ բանակցություններում նախատեսվում է քննարկել երկկողմ հարաբերությունների ամբողջ համալիրը։
«Դա ընդարձակ օրակարգ է՝ և՛ էներգետիկան, և՛ համագործակցությունը բարձր տեխնոլոգիաների ոլորտում, և՛ համատեղ ներդրումները, և՛ առևտուրը»,- ասել է Պեսկովը։
Հարցին՝ արդյո՞ք քննարկվելու է Չինաստան գազի մատակարարման թեման, Կրեմլի խոսնակը պատասխանել է, որ «էներգետիկ երկխոսությունն անպայման օրակարգում կլինի»։
Ի դեպ, Պեսկովը նաև հայտնել է, որ ի տարբերություն ԱՄՆ նախագահ Ջո Բայդենի հետ տեսագագաթնաժողովի՝ այս անգամ «զրույցի առաջին մասը բաց է լինելու մամուլի համար»։
Էմմա Չոբանյան
