07.11.2024 | 16:45
ԵՄ 27 երկրների առաջնորդները կքննարկեն Վրաստանում հետընտրական իրավիճակը
ՌԴ-ն չի կարող Ուկրաինայից ՆԱՏՕ-ի չընդլայնման երաշխիքներ պահանջել. Զելենսկի
Քաղաքականություն
14.12.2021 | 21:20
Մոսկվան չի կարող Կիևից որևէ երաշխիք պահանջել այն բանից հետո, երբ առաջինը դրժեց սեփական խոստումները։ Այս մասին իտալական La Repubblica-ին տված հարցազրույցում ասել է Ուկրաինայի նախագահ Վլադիմիր Զելենսկին, գրում է korrespondent-ը։
Նա մեկնաբանել է Ռուսաստանի Դաշնության նախագահ Վլադիմիր Պուտինի՝ իրավական երաշխիքների տրամադրման պահանջները՝ բացառելով ՆԱՏՕ-ի առաջխաղացումը դեպի արևելք։
«Մեր պետությունը տվել է խորհրդային միջուկային զինանոցի իր մասը՝ մեծությամբ երրորդն աշխարհում, և դրա դիմաց, այդ թվում՝ Ռուսաստանից, մեր սահմաններն ու անվտանգությունը հարգելու երաշխիք է ստացել։ Այս ամենը նետվել է աղբարկղ։ Զարմանալի է լսել ռուսական կողմից որևէ երաշխիքի վերաբերյալ խնդրանքներ, երբ այդքան խոստումներ արդեն իսկ խախտվել են հենց ռուսական կողմից»,- ասել է Զելենսկին։
Միևնույն ժամանակ, ԱՄՆ-ը դիտարկում է ՆԱՏՕ-ի արևելյան թևում իր ռազմական ներկայությունը մեծացնելու հնարավորությունը: Նման միջոցներ Վաշինգտոնը մտադիր է ձեռնարկել, եթե Ռուսաստանը որոշի հարձակվել Ուկրաինայի վրա։
Տաթև Ֆռանգյան
