06.05.2024 | 14:40
Հայաստանի և Հունգարիայի կառավարությունների միջև տնտեսական համագործակցության մասին համաձայնագիր է ստորագրվել
Ալեն Սիմոնյանն ու Գագիկ Ջհանգիրյանը անդրադարձել են դատական համակարգի արդյունավետության բարձրացմանը միտված օրենսդրական նախաձեռնություններին
Քաղաքականություն
14.12.2021 | 14:09
ՀՀ Ազգային ժողովի նախագահ Ալեն Սիմոնյանը դեկտեմբերի 14-ին հանդիպել է Բարձրագույն դատական խորհրդի նախագահի պաշտոնակատար Գագիկ Ջհանգիրյանի և խորհրդի անդամների հետ․ տեղեկացնում են ՀՀ ԱԺ-ից։
Հանդիպման ընթացքում անդրադարձ է կատարվել արդարադատության համակարգում ԲԴԽ-ի դերակատարությանը, դատական իշխանության բնականոն գործունեության ապահովմանն ուղղված աշխատանքներին, դատական համակարգի արդյունավետության բարձրացմանը միտված օրենսդրական նախաձեռնություններին: Քննարկվել են նաև դատավորների սոցիալական երաշխիքների ապահովմանը վերաբերող հարցեր:
Անդրադարձ է եղել նաև Բարձրագույն դատական խորհրդի և Ազգային ժողովի պետական-իրավական հարցերի մշտական հանձնաժողովի արդյունավետ համագործակցությանը:
