06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Բաքվում վրաց-ադրբեջանա-թուրքական եռակողմ գործարար համաժողով է անցկացվում
Քաղաքականություն
14.12.2021 | 14:25
Բաքվում այսօր մեկնարկել է վրաց-ադրբեջանա-թուրքական 6-րդ գործարար համաժողովը, հաղորդում են ադրբեջանական լրատվամիջոցները։ Այն կազմակերպել է Ադրբեջանի Էկոնոմիկայի նախարարությունը։
Համաժողովի բացմանը մասնակիցներին ողջունել է Ադրբեջանի արտահանման և ներդրումների խթանման հիմնադրամի (AZPROMO) ղեկավար Յուսիֆ Աբդուլլաևը։
Վրաստանի Առևտրի պալատի նախագահ Գեորգի Պերտայան և Թուրքիայի արտաքին տնտեսական կապերի խորհրդի նախագահ Նաիլ Օլփակն էլ իրենց ելույթներում նշել են համաժողովի անցկացման կարևորությունը։
Ելույթներով են հանդես եկել նաև Ադրբեջանի էկոնոմիկայի նախարար Միքայիլ Ջաբբարովը, Վրաստանի էկոնոմիկայի և կայուն զարգացման նախարար Նաթիա Թուրնավան և Թուրքիայի առևտրի նախարար Մեհմեդ Մուշը։
Բացի այդ, համաժողովի շրջանակում 5 փաստաթուղթ է ստորագրվել երեք երկրների տարբեր կառույցների միջև, որոնք գործունեություն են ծավալում բիզնեսի ու ներդրումների ոլորտում։
Էմմա Չոբանյան
