19.11.2024 | 22:38
Ադրբեջանի ԳՇ պետը Պակիստանում նոր զինատեսակների է ծանոթացել
Բժիշկները Սաակաշվիլիին թույլ են տվել անցնել բնականոն սննդակարգի
Քաղաքականություն
14.12.2021 | 12:50
Վրաստանի նախկին նախագահ Միխայիլ Սաակաշվիլին, որը երկարատև հացադուլից հետո բուժում է անցնում, այսօրվանից անցել է բնականոն սննդակարգի, բժիշկները հանել են սննդային սահմանափակումները։ Այս մասին հայտնել է Արդարադատության նախարարության բժշկական խորհրդի անդամ Ելենա Գիորգաձեն, գրում է ՌԻԱ Նովոստին։
«Երեքշաբթի օրվանից նա սննդային սահմանափակումներ չունի։ Ամենակարևորն այն է, որ սպիտակուցի մակարդակն արդեն նորմալ է, նաև աստիճանաբար հեռացվում են նախկինում նշանակված բժշկական հավելումները՝ կալիումը, մագնեզիումը, միկրո և մակրոէլեմենտները։ Անալիզները նորմալ են եղել, էնդոկրինոլոգն ավարտել է իր աշխատանքը»,- լրագրողներին ասել է Գիորգաձեն։
Նրա խոսքով՝ Սաակաշվիլին դեռևս թույլ է, ինչը կապված է քիչ շարժվելու և էմոցիոնալ սթրեսի հետ։
«Երկու շաբաթ առաջ մենք խնդրեցինք սկսել մարզումները: Արդեն մարզիչ է եկել: Սաակաշվիլին մարզվելու ցանկություն չունի, քանի որ դա կապված է հուզական տրավմայի, հոգեկան առողջության հետ, որը կարող են գնահատել միայն հոգեբույժները: Վատ չէր լինի, եթե հոգեբույժները նախքան բուժման մասին խոսելը պարզեին նրա ախտորոշումը»,- հավելել է Գիորգաձեն։
Տաթև Ֆռանգյան
