17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
Սանասարյանի գործով դատական նիստը հետաձգվեց
Հասարակություն
14.12.2021 | 12:05
Երևան քաղաքի ընդհանուր իրավասության դատարանում՝ դատավոր Դավիթ Բալայանի նախագահությամբ, այսօր հետաձգվեց Պետական վերահսկողության ծառայության նախկին պետ Դավիթ Սանասարյանի և մյուսների մասով քրեական գործի քննությունը։ Նիստին չէր ներկայացել ամբաստանյալ Գևորգ Խաչատրյանը․ նա դատարանին տեղեկացրել էր, որ վատառողջ է և կորոնավիրուսային թեստ է հանձնել, սակայն պատասխանը դեռ չի ստացել։ Դատական նիստը հետաձգվեց և նշանակվեց 2022 թվականի փետրվարի 23-ին։
Հիշեցնենք, որ Դավիթ Սանասարյանին մեղադրանք էր առաջադրվել պաշտոնեական լիազորությունները չարաշահելու համար։ Ըստ մեղադրանքի՝ Սանասարյանը նպաստել էր իր աշխատակիցների կողմից փաստացի կառավարվող ընկերության ձեռնարկատիրական գործունեությանը։
Ռոզա Վարդանյան
