26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ԱՀԿ-ն կանխատեսում է հոսպիտալացումների և մահացությունների թվի աճ՝ «օմիկրոն» շտամի պատճառով
Քաղաքականություն
14.12.2021 | 13:40
Առողջապահության համաշխարհային կազմակերպությունն (ԱՀԿ) կանխատեսում է հոսպիտալացումների և մահացությունների թվի աճ՝ կորոնավիրուսի «օմիկրոն» շտամի պատճառով։ «ՌԻԱ Նովոստի»-ին այս մասին հայտնել են ԱՀԿ մամուլի ծառայությունից։
«Մահվան դեպքերի թվի ավելացման հետ անհանգստությունն աճում է, ամբողջ աշխարհում մենք ակնկալում ենք, որ տեղեկատվություն կհայտնվի հոսպիտալացման դեպքերի և նույնիսկ մահերի թվի աճի մասին»,- ասել են ԱՀԿ-ից:
Հիշեցենք՝ Մեծ Բրիտանիայի վարչապետը նախօրեին հայտնել էր «օմիկրոն» շտամով վարակված հիվանդի մահվան առաջին դեպքի մասին։
«Շատ երկրներ դեռևս չունեն բոլոր վարակման կամ մահվան դեպքերի հետևողական նմուշառման հնարավորություն, ուստի դժվար է ճշգրիտ ներկայացնել մահվան դեպքերի թիվը կոնկրետ շտամի պատճառով: «Oմիկրոնի»-ի ծանրության մասին լրացուցիչ տեղեկություններ սպասվում են առաջիկա շաբաթներին»,- հավելել են ԱՀԿ մամուլի ծառայությունից։
Տաթև Ֆռանգյան
