19.05.2026 | 18:42
Հայ հեծանվորդներն արծաթե մեդալ են նվաճել միջազգային մրցաշարում
Իրանն իր պատժամիջոցների ցուցակում ներառել է ԱՄՆ 20 քաղաքացու
Քաղաքականություն
13.12.2021 | 16:20
Իրանի իշխանությունները մարդու իրավունքների խախտումների հետ կապված իրենց պատժամիջոցների ցանկում ավելացրել են ԱՄՆ ավելի քան 20 քաղաքացիների։ Այս մասին հայտարարել է Իսլամական Հանրապետության դատական կառույցի միջազգային կապերի և մարդու իրավունքների գծով տեղակալ Քազեմ Ղարիբ Աբադին, գրում է իրանական Young journalist club-ը։
«Մենք որոշում ենք կայացրել պատժամիջոցների ցանկում ներառել ԱՄՆ-ից ֆիզիկական և իրավաբանական անձանց, որոնք ներգրավված են մարդու իրավունքների խախտման մեջ»,- հայտարարել է Աբադին:
Նրա խոսքով՝ «այս ցուցակում ներառվել են ավելի քան 20 ֆիզիկական ու իրավաբանական անձինք»։
«Նույնիսկ եթե մենք չունենք ամուր ֆինանսական բազա՝ ԱՄՆ-ի դեմ պատժամիջոցներ կիրառելու համար, մենք կարող ենք գոնե մարդկանց անուններ տալ, որոնք խախտում են մարդու իրավունքները»,- հավելել է նա։
Դեկտեմբերի 9-ին Ղարիբ Աբադին ասել էր, որ Իրանի իշխանությունները մտադիր են պատժամիջոցների ցուցակ կազմել ամերիկյան այն ընկերությունների և քաղաքացիների համար, որոնք ներգրավված են մարդու իրավունքների լուրջ խախտումների մեջ։
Դեկտեմբերի 7-ին էլ ԱՄՆ ֆինանսների նախարարությունը նոր պատժամիջոցներ էր սահմանել Իրանի դեմ։ Այս անգամ դրանք վերաբերում են յոթ իրանցիների և երկրի երկու իրավապահ մարմինների։
Տաթև Ֆռանգյան
