16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՔՊ֊ի պատգամավորները` Հայկ Մարությանի` հեղափոխության օրակարգից շեղվելու մասին․ ՏԵՍԱՆՅՈՒԹ
Քաղաքականություն
13.12.2021 | 12:25
«Այդ հարցին լավագույնս կպատասխանի Հայկ Մարությանը»,- ԱԺ ճեպազրույցի ժամանակ այս մասին նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով հարցին, թե արդյոք «Քաղաքացիական պայմանագիր»-ը ևս կարծում է, որ Երևանի քաղաքապետ Հայկ Մարությանը շեղվել է քաղաքական օրակարգից, ինչպես որ նշված է «Հայկական ժամանակ» օրաթերթի հրապարակման մեջ:
«Քաղաքացիական պայմանագիր» խմբակցության պատգամավոր Էդուրադ Աղաջանյանը հավելեց. «Մենք տեղեկատվություն չունենք Հայկ Մարությանի և Ռոբերտ Քոչարյանի հանդիպման մասին, հետևաբար չենք կարող պատասխանել այդ հարցին՝ նա շեղեվել է քաղաքական օրակարգից, թե ոչ: Լավ տարբերակ կլիներ, եթե այդ հարցը հենց պարոն Մարությանին ուղղվեր»:
Հարցին, թե քաղաքական թիմը քաղաքապետի փոփոխության հարց քննարկում է, թե ոչ, Ալեքսանյանն արձագանքեց՝ նշելով, որ այդպիսի քննարկման մասին ինքը տեղյակ չէ:
Աղաջանյանը հավելեց, որ Երևանի քաղաքապետն ընտրված է կոնկրետ ժամկետներում պաշտոնավարելու համար, և որևէ քննարկում այն մասին, որ նրա պաշտոնավարումը ժամկետներից շուտ պետք է ավարտվի, այս պահին չկա: «Դա միայն հնարավոր կլինի, երբ քաղաքապետը հրաժարական կտա կամ երբ ավագանին անվստահություն կհայտնի: Մենք քաղաքապետարանի ավագանու ոչ քաղաքական թիմի ծավալած քննարկումների մասին ինֆորմացիա չունենք, իսկ երբ նման քննարկումներ կլինեն և կհասնեն քաղաքական թիմ, այդ մասին կհայտնենք»,- հայտարարեց Էդուարդ Աղաջանյանը՝ վստահեցնելով, որ այս պահին նման քննարկումներ չկան։
Մանրամասները՝ տեսանյութում:
