19.05.2026 | 17:35
ԱՀԿ-ն մտահոգված է Կոնգոյում Էբոլայի տարածման «մասշտաբով և արագությամբ». 131 մահվան դեպք է գրանցվել
Լենինգրադյան փողոցում «Ford»-ը բախվել է արգելապատնեշին. կան տուժածներ
12.12.2021 | 10:19
Դեկտեմբերի 11-ին, ժամը 23։15-ին Ճգնաժամային կառավարման ազգային կենտրոն ահազանգ է ստացվել, որ Երևանի Լենինգրադյան փողոցում տեղի է ունեցել ՃՏՊ․ կա տուժած, տեղեկացնում է ԱԻՆ-ը:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Բժշկական ապահովման վարչության հերթապահ բժիշկը։
Պարզվել է, որ «Ford Fiesta» մակնիշի ավտոմեքենան (վարորդ` Գ. Մ., ծնված 1963 թ․) դուրս է եկել երթևեկելի գոտուց և բախվել ճանապարհի բետոնե արգելապատնեշին․ ուղևորներից մեկն արգելափակվել է ավտոմեքենայում։
Փրկարարներն ուղևոր Ս․ Մ․-ին (ծնված 1966 թ․) դուրս են բերել արգելափակումից․ վերջինիս և մյուս ուղևոր Ա․ Մ․-ին (ծնված 1965 թ․) մոտեցրել են շտապօգնության ավտոմեքենային, ովքեր հոսպիտալացվել են «Արմենիա» ՀԲԿ։
Փրկարարները հոսանքազրկել են ավտոմեքենան և փակել գազի բալոնի փականը:
