22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Էրդողանը կոչ է արել միջազգային կազմակերպություններին օգնել Իրանին՝ հաղթահարել աֆղան փախստականների հոսքը
Քաղաքականություն
10.12.2021 | 20:26
Իրանի խորհրդարանի նախագահ Մոհամմադ Բաղեր Ղալիբաֆը Ստամբուլում բանակցություններ է վարել Թուրքիայի նախագահ Ռեջեփ Թայիփ Էրդողանի հետ, հայտնում է Mehr գործակալությունը։
Հանդիպման ընթացքում Էրդողանը մեկնաբանել է միջուկային գործարքի վերականգնման շուրջ բանակցությունները։
«Հուսով եմ, որ միջուկային համաձայնագրի իրականացման շուրջ Վիեննայի բանակցություններն արդարացիորեն կավարտվեն»,- ասել է նա։
Նա նաև կոչ է արել միջազգային կազմակերպություններին օգնել Իրանին՝ հաղթահարել աֆղան փախստականների հոսքը:
Մոհամմադ Բաղեր Ղալիբաֆն իր հերթին ընդգծել է, որ երկու երկրների համագործակցության համապարփակ փաստաթուղթը ավարտման փուլում է։ Նա նշել է, որ առաջատար տերությունները պետք է հասկանան, որ չպետք է փորձեն իրենց կամքը պարտադրել այլ երկրներին։
Ըստ Ղալիբաֆի՝ Վիեննայի բանակցություններում համաձայնություն ձեռք կբերվի, եթե արևմտյան առաջատար տերությունները հարգանք ցուցաբերեն այլ երկրների շահերի նկատմամբ։
Տաթև Ֆռանգյան
