11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Ջո Բայդենը վերահաստատել է Վաշինգտոնի աջակցությունը Ուկրաինայի ինքնիշխանությանն ու տարածքային ամբողջականությանը
Քաղաքականություն
10.12.2021 | 13:17
ԱՄՆ նախագահ Ջո Բայդենը դեկտեմբերի 9-ին Ուկրաինայի առաջնորդ Վլադիմիր Զելենսկու հետ հեռախոսազրույցի ընթացքում հաստատել է Վաշինգտոնի աջակցությունը Ուկրաինայի ինքնիշխանությանն ու տարածքային ամբողջականությանը, ասվում է Սպիտակ տան տարածած մամուլի հաղորդագրության մեջ։
Նշվում է, որ ԱՄՆ առաջնորդն իր զրուցակցին վստահեցրել է, որ ԱՄՆ-ը վճռականորեն կպատասխանի Ուկրաինայի նկատմամբ Ռուսաստանի ցանկացած ագրեսիվ գործողության։
«Նախագահ Բայդենը խորը մտահոգություն է հայտնել Ուկրաինայի նկատմամբ Ռուսաստանի ագրեսիվ գործողությունների կապակցությամբ և հասկացրել, որ ԱՄՆ-ը և մեր դաշնակիցները վճռական կպատասխանեն տնտեսական և այլ միջոցներով՝ հետագա ռազմական միջամտության դեպքում»,- ասվում է հայտարարության մեջ։
Բացի այդ, ամերիկացի առաջնորդն ընդգծել է, որ Միացյալ Նահանգները պատրաստ է աջակցել Դոնբասի շուրջ բանակցությունների ակտիվացմանը՝ Մինսկի համաձայնագրերի և Նորմանդական ձևաչափի տեսքով, և որ Ուկրաինայի վերաբերյալ որևէ որոշում չի ընդունվի առանց Կիևի։
Ի վերջո, Բայդենը և Զելենսկին պայմանավորվել են, որ Ռուսաստանի և Ուկրաինայի միջև հակամարտությունն ավելի լավ կլինի լուծել դիվանագիտական ճանապարհով, և կոչ են արել Մոսկվային թուլացնել լարվածությունը։
Տաթև Ֆռանգյան
