22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
ԱՄՆ նախագահի հետ բանակցություններից հետո Պուտինը կոշտացնո՞ւմ է հռետորաբանությունը․ BBC-ի անդրադարձը
Քաղաքականություն
10.12.2021 | 21:08
Ռուսաստանի նախագահ Վլադիմիր Պուտինը, ելույթ ունենալով ռուս իրավապաշտպանների հետ հանդիպմանը, Կիևի գործողությունները Ուկրաինայի արևելքի բնակիչների հանդեպ համեմատել է ցեղասպանության հետ, գրում է BBC-ի ռուսական ծառայությունը։
«Այն, ինչ այժմ տեղի է ունենում Դոնբասում, մենք ձեզ հետ լավ ենք տեսնում, գիտենք։ Դա, իհարկե, շատ է հիշեցնում ցեղասպանություն»,- հայտարարել է նա։
Որոշ դիտորդների կարծիքով՝ նման խոսքերը, որոնք հնչել են Պուտինի հետ ապաէսկալացիայի մասին Բայդենի բանակցություններից երկու օր անց, կարող են վկայել Ուկրաինայի նկատմամբ նրա հռետորաբանության կոշտացման մասին։ Սպիտակ տունը, սակայն, հորդորել է մեծ նշանակություն չտալ այս հայտարարություններին։
«Ինչպես հայտնի է՝ ռուսները սիրում են ուժեղացնել հռետորաբանությունը, նրանք նաև հայտնի են նրանով, թե ինչպես են ողջ աշխարհում ապատեղեկատվություն տարածում։ Կարծում եմ՝ մենք պետք է նրանց՝ սեփական հասարակության հետ շփման փորձերին թերահավատորեն մոտենանք»,- ասել է Սպիտակ տան ներկայացուցիչը։
Նա ևս մեկ անգամ կրկնել է, որ ԱՄՆ-ը նախազգուշացրել է Ռուսաստանին Ուկրաինայի վրա հարձակման դեպքում զգալի ու ծանր հետևանքների մասին, և որ այժմ Մոսկվայի որոշում կայացնելու ժամանակն է։
Տաթև Ֆռանգյան
