29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Զգուշացնում եմ, զերծ մնացեք նման հռետորաբանությունից. Արթուր Խաչատրյանը՝ Վահագն Ալեքսանյանին․ ՏԵՍԱՆՅՈՒԹ
Քաղաքականություն
10.12.2021 | 10:40
«Դուք երեք թվեր էիք հրապարակում. ես այս 30 տարիների ընթացքում առնվազն 3 դեպք գիտեմ, որ կուսակցությունները, որոնք ինչ-որ մի պահի շատ ձայներ էին հավաքում, այդ դիրքերից էին խոսում, ասում էին՝ մենք այսքան, ՀՅԴ-ն 5 տոկոս, 10 տոկոս. Ու՞ր են նրանք հիմա»,- ա յս մասին այսօր՝ դեկտեմբերի 10-ին, ԱԺ-ում հայտարարեց «Հայաստան» խմբակցության պատգամավոր, ՀՅԴ անդամ Արթուր Խաչատրյանը՝ դիմելով «Քաղաքացիական պայմանագիր» խմբակցության պատգամավոր Վահագն Ալեքսանյանին:
«Զգուշացնում եմ, ուղղակի հորդորում եմ ձեռնպահ մնալ այդ հռետորաբանությունից և նաև հաշվի առնել թրենդը: Թրենդը շատ ավելի վատ է, քան երևի տվյալ պահին գրանցված արդյունքները»:
Անդրադառնալով Վարդենիսում տեղի ունեցող հետընտրական զարգացումներին՝ Խաչատրյանը նշեց. «Չեմ կարող չարձանագրել այն, ինչ տեղի է ունենում Վարդենիսում. տեղական ընտրություններում հավանաբար ոչ բաղձալի արդյունք գրանցելուց հետո մեկ էլ հանկարծ քրեական գործ է հարուցվում ընդդիմադիր բլոկներից մեկի ղեկավարի նկատմամբ, որոնք մեծամասնություն էին ստացել ընտրություններում: Մենակ խնդրում եմ՝ մի՛ ասեք, որ դա պատահականություն է, մի՛ ասեք, որ դա Հայաստանում, մեղմ ասած, ոչ ժողովրդավարական զարգացումների ևս մի դրսևորում չէ: Այն, ինչ տեղի է ունենում Վարդենիսում, խիստ արգահատելի է, անթույլատրելի է և երկրի ու սերունդների նկատմամբ հանցագործություն է»:
Մանրամասները՝ տեսանյութում:
