22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ջո Բայդենը հայտարարել է այլ երկրներում ժողովրդավարությանն աջակցելու՝ ԱՄՆ նոր նախաձեռնությունների մասին
Քաղաքականություն
09.12.2021 | 19:28
ԱՄՆ իշխանություններն առաջ են քաշել մի շարք նոր նախաձեռնություններ, որոնք ուղղված են այլ երկրներում ժողովրդավարության աջակցմանը, այդ թվում՝ արդարացի ընտրությունների անցկացման ապահովմանը։ Այս մասին հինգշաբթի հայտարարել է ԱՄՆ նախագահ Ջո Բայդենը «Հանուն ժողովրդավարության» համաժողովի բացման ժամանակ։
«Մենք կրկնապատկում ենք մեր աջակցությունն ու ներգրավվածությունը ամբողջ աշխարհում ժողովրդավարական երկրների հետ։ Ես ուրախ եմ հայտարարել ժողովրդավարության նորացմանն ուղղված նախագահական նախաձեռնության մասին, որը կկենտրոնացնի մեր դիվանագիտական ջանքերը և միջազգային աջակցության ծրագրերը՝ ամբողջ աշխարհում ժողովրդավարության և մարդու իրավունքների ճկունության ամրապնդման ուղղությամբ»,- հայտարարել է ԱՄՆ առաջնորդը։
Ջո Բայդենը նշել է, որ ԱՄՆ-ը ծրագրում է 1 տարվա ընթացքում այս ծրագրի համար հատկացնել 424 մլն դոլար։
ԱՄՆ նախագահի խոսքով՝ նախաձեռնությունն ուղղված է լինելու այլ երկրների կառավարությունների աշխատանքի թափանցիկության և հաշվետվողականության ապահովմանը, ներառյալ՝ ազատությանն աջակցելը, միջազգային կոռուպցիայի դեմ պայքարը։ Բացի այդ, ծրագրի նպատակն է՝ սահմանել և պաշտպանել արդար ընտրությունների անցկացումը։
Հիշեցնենք, որ համաժողովի հրավիրյալների թվում է նաև Հայաստանը։ Մեր հարևաններից համաժողովին մասնակցում է միայն Վրաստանը։ Հրապարակված ցուցակում ներառված չեն ո՛չ Ադրբեջանը, ո՛չ Թուրքիան, ո՛չ Իրանը։ Նախկին ԽՍՀՄ տարածքից, Մերձբալթյան երկրներից բացի, հրավիրվել են միայն Հայաստանը, Վրաստանը, Մոլդովան և Ուկրաինան։ Ռուսաստանից բացի՝ հրավեր չի ստացել նաև Չինաստանը։
Տաթև Ֆռանգյան
