25.04.2026 | 09:21
Դավիթ Չալոյանն ապրիլի 24-ին հաղթել է թուրք բռնցքամարտիկի ու դուրս եկել կիսաեզրափակիչ․ ՏԵՍԱՆՅՈՒԹ
Վրաստանի Արդարադատության նախարարությունը Սաակաշվիլիի նկատմամբ կարգապահական պատասխանատվություն է կիրառել
Քաղաքականություն
08.12.2021 | 19:41
Վրաստանի Արդարադատության նախարարությունը 2 ամսով սահմանափակել է Միխեիլ Սաակաշվիլիի՝ հեռախոսազանգեր կատարելու իրավունքը, գրում է Նովոստի Գրուզիան։
Արդարադատության նախարարության այս որոշումը Շոթա Թութբերիձեի փաստաբանը ծիծաղելի է համարում, քանի որ երրորդ նախագահի համար արդեն իսկ սահմանափակված էր հեռախոսազանգերի իրավունքը։
Որոշումը, ըստ որի՝ Միխեիլ Սաակաշվիլին խախտել է Գլդանիի բանտում գտնվող բանտարկյալների օրենսգիրքը և ենթարկվել կարգապահական պատասխանատվության, այսօր փոխանցվել է Շոթա Թութբերիձեին։
Միխեիլ Սաակաշվիլիի պատճառած վնասը կազմում է 70 լարի։
«Որոշումը պատճառաբանված չէ, դեպքի փաստական հանգամանքները չեն ուսումնասիրվել։ Մասնավորապես, թե ինչու է Միխեիլ Սաակաշվիլին վնասել այդ սարքը, չի հետաքննվում։ Պատճառն այն է, որ նրան առևանգել են և անմարդկային վերաբերմունք ցուցաբերել նրա նկատմամբ։ Մեղադրանքը մասնատված է, հանվել է միայն ձեռքը սեղմելու պահը։ Մենք անպայման կբողոքարկենք այս որոշումը դատարանում»,- ասել է Թութբերիձեն։
Տաթև Ֆռանգյան
