19.05.2026 | 09:37
Երևանի շուրջ 15 հասցեներում խուզարկություններ են իրականացվում․ ՆԳՆ
Եվրոպական երկրներն աշխատանք են տանում՝ Աֆղանստանում համատեղ դիվանագիտական առաքելություն բացելու համար
Քաղաքականություն
07.12.2021 | 20:56
Մի քանի եվրոպական երկրներ աշխատանքներ են տանում՝ Աֆղանստանում համատեղ դիվանագիտական առաքելություն բացելու համար, որը թույլ կտա դեսպաններին վերադառնալ երկիր: Այս մասին հայտարարել է Ֆրանսիայի նախագահ Էմանուել Մակրոնը, գրում է Newsy Today-ը։
Երբ օգոստոսին Քաբուլում իշխանությունը ստանձնեց «Թալիբան» արմատական իսլամիստական կազմակերպությունը, Միացյալ Նահանգները և արևմտյան այլ երկրներ փակեցին իրենց դեսպանատներն ու հետ կանչեցին դիվանագետներին: Այդ ժամանակից ի վեր թալիբները հայտարարել են ժամանակավոր կառավարություն ձևավորելու մասին, որի կազմում ներառված նախարարներից շատերը ՄԱԿ-ի և ԱՄՆ-ի պատժամիջոցների ցուցակում են ներառված:
«Մենք խոսում ենք մի քանի եվրոպական երկրների համատեղ կազմակերպության մասին, որտեղ միասին կաշխատեն մի քանի եվրոպական երկրների ներկայացուցիչներ։ Սա մեզ թույլ կտա ապահովել մեր դեսպանների ներկայությունը»,- լրագրողների հետ զրույցում ասել է Մակրոնը։
«Սա քաղաքական ճանաչումից և թալիբների հետ քաղաքական երկխոսությունից տարբերվող դեմարշ է: Մենք ներկայացուցչություն կունենանք, հենց որ կարողանանք բացել այն»,- ասել է նա։
Շաբաթներ առաջ, թալիբների հետ բանակցություններից հետո, Եվրամիությունն ազդարարեց, որ առաքելությունը կարող է շուտով բացվել:
Տաթև Ֆռանգյան
