11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
Հայ ժողովուրդը կորցրեց ԱՄՆ-ում իր ամենաթանկագին բարեկամներից մեկին. Արարատ Միրզոյան
07.12.2021 | 12:12
ՀՀ արտգործնախարար Արարատ Միրզոյանը թվիթերի իր միկրոբլոգում գրառում է կատարել ԱՄՆ նախկին սենատոր, Հանրապետական կուսակցության անդամ Ռոբերտ Ջոզեֆ (Բոբ) Դոուլի մահվան կապակցությամբ:
«Դեկտեմբերի 5-ին հայ ժողովուրդը կորցրեց ԱՄՆ-ում իր ամենաթանկագին բարեկամներից մեկին։ Սենատոր Դոուլը ոչ միայն մեծ ներդրում է ունեցել Հայաստանի և ԱՄՆ-ի հարաբերություններում, այլև քաջաբար պաշտպանել է մեր ժողովրդի՝ արդարության ձգտումը։ Նրա ընտանիքի և ընկերների հետ միասին հարգում ենք Բոբ Դոուլի հիշատակը»,- գրել է Միրզոյանը:
Նշենք, որ Դոուլը 1995-1996 թթ․ ընդգրկվել է ԱՄՆ Կոնգրեսի հայկական հարցերով հանձնախմբում՝ պաշտպանելով Հայոց ցեղասպանության ճանաչման, Հայաստանին և Արցախին ֆինանսական օժանդակություն ցույց տալու վերաբերյալ տարբեր օրինագծեր:
Հիշեցնենք նաև, որ Դոուլը 1996 թ․ Հանրապետականների կողմից առաջադրվել էր նախագահի թեկնածու, սակայն վերջինս ընտրությունների արդյունքում պարտվել էր Ջորջ Բուշին։
