24.01.2026 | 08:40
Հայաստանի հետ խաղաղ միջուկային համագործակցության համաձայնագիր կկնքենք․ Թրամփ
«Մատենա»-ի ծրագրերը նախատեսված են նաև հանրային պաշտոնյաների համար. Ռուբեն Հայրապետյանը մանրամասնում է․ ՏԵՍԱՆՅՈՒԹ
Հասարակություն
06.12.2021 | 11:58
Այսօր Երևանում «Սկոլկովո» կառավարման մոսկովյան դպրոցը և «Մատենա» առաջնորդության, մասնագիտական զարգացման միջազգային դպրոցը ստորագրեցին համագործակցության հուշագիր։ Ստորագրման արարողությանը մասնակցեցին «Ստոլկովո» դպրոցի ռեկտոր Յուրի Լևինը և «Մատենա» դպրոցի գործադիր տնօրեն Ռուբեն Հայրապետյանը։
Կողմերը պայմանավորվեցին իրականացնել համատեղ կրթական ծրագրեր և հետազոտություններ, փոխանակել ուսումնական ծրագրեր։ Երկու դպրոցներում դասավանդողները և սովորողները կկարողանան մասնակցել փոխանական ծրագրերին։
Նշենք, որ «Մատենայի» նախաձեռնողներն ու հիմնադիրներն են «UWC Dilijan» միջազգային դպրոցի և «Սկոլկովո» կառավարման մոսկովյան դպրոցի հիմնադիր գործընկեր Ռուբեն Վարդանյանը և տնտեսագիտության դոկտոր Ռուբեն Հայրապետյանը։
Ռուբեն Հայրապետյանը տեղեկացրեց, որ նախնական փուլում նախատեսվում են անցկացնել վերապատրաստման դասընթացներ, զուգահեռաբար տեղական և համաշխարհային հզոր փորձագիտական ցանցի միջոցով կազմակերպելու են նաև անվճար բաց դասեր երիտասարդների, ուսանողների և հասարակության լայն շերտերի համար, այդ թվում՝ հանրային պաշտոնյանների համար։
Մանրամասները՝ տեսանյութում:
