14.01.2026 | 15:21
Եվրո-2026․ Ինչպես ձեռք բերել ֆուտզալի Հայաստանի հավաքականի խաղերի տոմսեր
Երևանի քաղաքապետի առաջին տեղակալ է նշանակվել Կամո Արեյանը, քաղաքապետի տեղակալներ՝ Վահե Նիկոյանն ու Դավիթ Օհանյանը
16.06.2017 | 14:15
Երևանի ավագանին հունիսի 16-ին գումարած արտահերթ նիստում, որը վարել է քաղաքապետ Տարոն Մարգարյանը, առաջնորդվելով «Երևան քաղաքում տեղական ինքնակառավարման մասին» Հայաստանի Հանրապետության օրենքի 48-րդ հոդվածի 3-րդ և 4-րդ մասերով` քվեարկության համար գրանցված ավագանու 62 անդամների 45 կողմ, 12 ձեռնպահ և 5 դեմ ձայներով Երևանի քաղաքապետի առաջին տեղակալ է նշանակել Կամո Արեյանին. տեղեկացնում է Երևանի քաղաքապետարանի տեղեկատվության
և հասարակայնության հետ կապերի վարչությունը:
Նույն օրենքի 3-րդ մասի համաձայն, ձայների 57 կողմ և 5 դեմ հարաբերակցությամբ քաղաքապետի տեղակալ է նշանակվել Վահե Նիկոյանը:
Այնուհետև ավագանու ձայների 45 կողմ, 11 ձեռնպահ և 5 դեմ հարաբերակցությամբ քաղաքապետի տեղակալ է նշանակվել Դավիթ Օհանյանը:
Երևանի ավագանին 45 կողմ, 12 ձեռնպահ և 5 դեմ ձայներով էլ հաստատել է Արամ Սուքիասյանին Երևանի քաղաքապետի տեղակալ նշանակելու մասին որոշումը:
Երևանի քաղաքապետ Տարոն Մարգարյանը շնորհավորելով քաղաքապետի առաջին տեղակալին և տեղակալներին՝ մաղթել է նրանց բեղմնավոր աշխատանք:
