14.01.2026 | 15:21
Եվրո-2026․ Ինչպես ձեռք բերել ֆուտզալի Հայաստանի հավաքականի խաղերի տոմսեր
ԱՄՆ-ը հետախուզում է հայտարարել Էրդողանի 12 թիկնապահների նկատմամբ
Քաղաքականություն
16.06.2017 | 10:32
Թուրքիայի Արտաքին գործերի նախարարությունն Անկարայում ԱՄՆ դեսպանից բացատրություն է պահանջել Էրդողանի թիկնապահներին կալանավորելու ԱՄՆ-ի որոշման վերաբերյալ՝ այդ որոշումն անվանելով «անօրինական, անարդար և անընդունելի»։
Հիշեցնենք որ երեկ ԱՄՆ-ում երկու թուրք էր ձերբակալվել Թուրքիայի նախագահ Ռեջեփ Թայիփ Էրդողանի վերջին այցի ժամանակ Վաշինգտոնում Թուրքիայի դեսպանատան մոտ խաղաղ ցուցարարների հետ տեղի ունեցած ծեծկռտուքին մասնակցելու համար:
Ոստիկանությունը պարզել էր ծեծկռտուքի 42 մասնակիցներից 34-ի ինքնությունը։ Նշվում էր, որ առաջիկայում նոր ձերբակալությունները չեն բացառվում։
«Վաշինգտոնի ոստիկանությունը հետախուզում է հայտարարել Թուրքիայի նախագահի 12 թիկնապահների նկատմամբ»,- հայտարարել է Վաշինգտոնի ոստիկանապետ Փիթեր Նյուշամը։
Էրդողանը կտրուկ է արձագանքել իր թիկնապահների ձերբակալությանը վերաբերող ԱՄՆ-ի իշխանությունների կողմից տրված հրամաններին:
«Անկարան կպայքարի դրա դեմ քաղաքական ու իրավական մեթոդներով։ Եթե իմ թիկնազորը չպետք է ինձ պաշտպանի, ապա ինչու՞ եմ նրանց տանում Ամերիկա»,- Էրդողանի հատարարությունը փոխանցում է Trend-ը։
