14.12.2024 | 16:44
Անդրանիկ Հովհաննիսյանն իր հավատարմագրերն է հանձնել Վիեննայում ՄԱԿ-ի գրասենյակի գլխավոր տնօրենին
Ուրիշ հարց տվեք. ԱԻ նախարարը` Սյունիքի գյուղերի ճանապարհների խնդրի մասին. ՏԵՍԱՆՅՈՒԹ
Քաղաքականություն
18.11.2021 | 12:12
Շուռնուխում արդեն մեկ տարի է Արտակարգ իրավիճակների նախարարությունը տեղակայել է տաքացման կետ: Գորիս – Կապան, Կապան – Ճակատեն ավտոճանապարհների հատվածում առաջիկում ևս երկու տաքացման կետ կտեղադրի։ Կառավարության նիստից հետո լրագրողների հետ ճեպազրույցում հայտնեց ԱԻ նախարար Անդրանիկ Փիլոյանը։
«Երեկ Տաթև – Կապան այլընտրանքային ճանապարհի Աղավնոյի հատվածում էլ տաքացման կետ ենք տեղադրել: Տաքացման կետեր ենք նախատեսել տեղադրել Վերին Խոտանան գյուղի հատվածում և Տաթևից Կապան գնացող մայրուղու հատվածում։ Այդ տաքացման կետերում լինելու են առաջին բուժօգնության միջոցներ»,- նշեց նախարարը։
Բացի դրանից, ըստ Փիլոյանի, առաջիկա երկու օրվա ընթացքում ամենագնացներ կտեղափոխեն այդ հատված, որոնց միջոցով կկարողանա խցանումների ժամանակ մարդկանց օգնել` առաջին օգնություն ցուցաբերել, տաքացման կետ տեղափոխել։
Հարցին, թե որպես քաղաքական թիմի անդամ, իր համար պա՛րզ է, թե ինչու որոշվեց ճանապարհի այդ հատվածները հանձնել թշնամուն, նախարարը չպատասխանեց՝ հորդորելով այլ հարց տալ. «Ուրիշ հարց տվեք»:
Մանրամասները՝ տեսանյութում:
