16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Լեհաստանը հայտնել է սահմանը զանգվածաբար հատելու փորձի մասին
Քաղաքականություն
18.11.2021 | 13:54
Սահմանի բելառուսական կողմում գտնվող միգրանտները շարունակում են մեծ խմբերով անօրինական ճանապարհով Լեհաստան մտնելու փորձերը։ Այս մասին հինգշաբթի Twitter-ում հայտնել է Լեհաստանի Պաշտպանության նախարարությունը։
«Այս գիշեր բելառուսների աջակցությամբ Դուբիչ-Ցերկիևնայում սահմանն ապօրինի հատելու փորձ է տեղի ունեցել, մոտ 100 միգրանտներից բաղկացած խումբը ձերբակալվել է լեհական ծառայությունների կողմից»,- հայտնել են գերատեսչությունից։
Նախարարության տվյալներով՝ բելառուսական ծառայությունները նախ հետախուզություն են իրականացրել։
«Ամենայն հավանականությամբ, նրանք վնասել են ցանկապատը։ Այնուհետև բելառուսները ստիպել են միգրանտներին քարեր նետել լեհ զինվորների վրա՝ նրանց ուշադրությունը շեղելու համար։ Մի քանի հարյուր մետր այն կողմ սահմանը հատելու փորձ է տեղի ունեցել»,- ասվում է հաղորդագրության մեջ։
Լեհաստանի ոստիկանությունը նաև հայտնել է սահմանի տարբեր հատվածներում, այդ թվում՝ Պոլովցեի շրջանում սահմանն ապօրինի հատելու փորձի մասին:
«Ոստիկանների վրա հարձակվել են համազգեստով երկու տղամարդիկ, որոնք կանգնած են եղել բելառուսական կողմում և քարեր են նետել ծառայողների վրա։ Ոստիկաններից մեկին հարվածել են քարով։ Բարեբախտաբար, նա չի տուժել»,- հայտնել է Պոդլասկայի ոստիկանության մամուլի քարտուղար Տոմաշ Կրուպան։
Տաթև Ֆռանգյան
