29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Ֆրանսիան իր պատմության մեջ ամենախոշոր ռազմածովային զորավարժություններն է անցկացնում
Քաղաքականություն
18.11.2021 | 15:20
Ֆրանսիան սկսել է իր պատմության մեջ ամենախոշոր ռազմածովային POLARIS 21 զորավարժությունները: Դրանք կանցկացվեն Միջերկրական ծովի արևմտյան և երկրի Ատլանտյան ափերի մոտ, հայտնել է Naval News-ը՝ հղում կատարելով Ֆրանսիայի ռազմածովային ուժերին:
Զորավարժությունները կտևեն մինչև դեկտեմբերի 3-ը։ Դրանցում կներգրավվի ֆրանսիական նավատորմի բոլոր նավերի գրեթե կեսը՝ ներառյալ ավիակիր հարվածային խումբը, այդ թվում՝ նոր միջուկային ավիակիր Շառլ դը Գոլը, Միստրալ դասի խոշոր դեսանտային Tonnerre նավը, հրթիռային ֆրեգատները և միջուկային սուզանավերը:
Զորավարժություններին կմասնակցեն նաև ռազմաօդային ուժերի ստորաբաժանումներն ու բանակը։ Զորքերի ընդհանուր թիվը կկազմի 6500 զինծառայող, այդ թվում՝ 4000 նավաստի։
Բացի այդ, ակնկալվում է, որ POLARIS 21 զորավարժություններին կմասնակցեն ԱՄՆ-ի, Իսպանիայի, Հունաստանի, Իտալիայի և Մեծ Բրիտանիայի ռազմանավերն ու ինքնաթիռները։
Տաթև Ֆռանգյան
