06.03.2026 | 16:44
Որ երկրներն են ՀՀ-ի համար սպառնալիք, որոնք՝ կարևոր քաղաքական գործընկեր . IRI-ի հարցման արդյունքները
Թուրքիայի ՊՆ-ն՝ S-400 համակարգերի կիրառման մասին
Քաղաքականություն
17.11.2021 | 15:35
Ռուսաստանից գնված S-400 զենիթահրթիռային համակարգերը կօգտագործվեն «ճիշտ տեղում ու ճիշտ ժամանակին»։ Նման հայտարարությամբ է հանդես եկել Թուրքիայի պաշտպանության նախարար Հուլուսի Աքարը, գրում է ՌԻԱ Նովոստին։
«Դուք հարցնում եք՝ որտե՞ղ են հիմա S-400-ները։ Մի՞թե օդային հարձակում է տեղի ունեցել, որի ընթացքում մենք չենք օգտագործել S-400-ները։ Բոլորը պետք է իմանան, որ S-400-ները կօգտագործվեն ճիշտ տեղում և ճիշտ ժամանակին»,- հայտարարել է Աքարը խորհրդարանում։
Նա նշել է, որ Անկարան բազմիցս պատրաստակամություն է հայտնել պարզաբանել «ԱՄՆ-ի պնդումների անհիմնությունը S-400-ների վերաբերյալ, որոնք պաշտպանական համակարգեր են և կիրառվելու են Թուրքիայի կողմից այնպես, ինչպես S-300-ները, որոնք գտնվում են ՆԱՏՕ-ի այլ անդամների սպառազինությունում»։
Հավելենք, որ ռուսական S-400 համակարգերի գնման համար ԱՄՆ-ն պատժամիջոցներ է կիրառել Թուրքիայի նկատմամբ։
Էմմա Չոբանյան
