Քաղաքականություն
17.11.2021 | 13:36Պաշտպանության, անվտանգության ոլորտի ծախսերը ավելացել են, և դրանք համահունչ են կառավարության ծրագրի այն փիլիսոփայությանը, որ պետք է ստեղծել պրոֆեսիոնալ բանակ: ԱԺ նիստում 2022թ. բյուջեի քննարկման ժամանակ նշեց «Քաղաքացիական պայմանագիր» խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
Պատգամավորը նաև տեղեկացրեց, որ այս պահին ՀՀ ահմանի արևելյան հատվածում իրավիճակը հանգիստ է. «Բայց դա չի նշանակում, որ այս հանգստությունն ամեն օր ուղեկցելու է մեզ, դրա համար մենք ջանք ու եռանդ պետք է ներդնենք կառավարության ծրագիրն իրականություն դարձնելու համար»:
«Մենք եղել ենք լարվածության օջախներում, և արձանագրել եմ՝ ունենք կորպուսի լավ հրամանատար»,- հավաստիացրեց պատգամավորը: Նա նաև ընդգծեց. «Մենք պետք է մեկտեղենք բոլոր ջանքերը և առավելություն տանք բարոյական բարձր նկարագիր ունեցող սպայակազմին, որը ճանապարհ կհարթի զինվորական ազնվականության համար»:
Մանրամասները՝ տեսանյութում:
