09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
Աֆղանստանում իրադարձությունները կարող են աղետալի սցենարով զարգանալ․ Պատրյուշև
Քաղաքականություն
17.11.2021 | 14:06
Ռուսաստանի Անվտանգության խորհրդի քարտուղար Նիկոլայ Պատրուշևը հայտարարել է, որ Աֆղանստանում իրադարձությունները կարող են աղետալի սցենարով զարգանալ, եթե Քաբուլի նոր իշխանությունները չկարողանան կարգավորել իրավիճակը, և միջազգային հանրությունը չկարողանա աջակցություն ցուցաբերել աֆղան ժողովրդին, գրում է Իզվեստիան։
«Այսօր Աֆղանստանում աննախադեպ բարդ իրավիճակ է ստեղծվում՝ թե՛ ռազմաքաղաքական, թե՛ սոցիալ-տնտեսական առումներով։ Եթե Քաբուլի նոր իշխանությունները չկարողանան կարգավորել իրավիճակը, իսկ միջազգային հանրությունը չկարողանա արդյունավետ աջակցություն ցուցաբերել աֆղան ժողովրդին, ապա իրադարձությունները կարող են զարգանալ աղետալի սցենարով` ներառյալ քաղաքացիական պատերազմի նոր փուլը, բնակչության ընդհանուր աղքատացումը և սովը»,- ասել է նա Մոսկվայում ԱՊՀ երկրների Անվտանգության խորհուրդների քարտուղարների ամենամյան նիստին։
Պատրուշևը պարզաբանել է, որ դժվար է կանխատեսել, թե դա ինչ հետևանքներ կարող է ունենալ տարածաշրջանի, ԱՊՀ երկրների և ամբողջ աշխարհի համար, սակայն վստահեցրել է, որ դրանք չափազանց բացասական կլինեն։
Հավելենք, որ նախօրեին Ռուսաստանի նախագահ Վլադիմիր Պուտինն Իրանի նախագահ Էբրահիմ Ռաիսիի հետ քննարկել է Աֆղանստանում տիրող իրավիճակը։
Տաթև Ֆռանգյան
