14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Ադրբեջանը շինծու քրեական գործեր է հարուցել երկու հայ ռազմագերիների նկատմամբ
Քաղաքականություն
17.11.2021 | 13:11
Ադրբեջանում շարունակում են ապօրինի քրեական գործեր հարուցել հայ ռազմագերիների նկատմամբ։
Մասնավորապես, ադրբեջանական լրատվամիջոցները հաղորդում են, որ ավարտվել է ՀՀ քաղաքացիներ Իշխան Աշոտի Սարգսյանի ու Վլադիմիր Օթարի Ռաֆայելյանի նկատմամբ հարուցված քրեական գործերի նախաքննությունը։ Գործի նյութերն ուղարկվել են Գանձակի (Գյանջա) ծանր հանցագործությունների դատարան։ Գործը կքննի դատավոր Էլմին Ռուստամովը։
Հայ ռազմագերիների նկատմամբ շինծու քրեական գործ է հարուցվել Ադրբեջանի Քրեական օրենսգրքի 214․2․3 (ահաբեկչություն) հոդվածով։ Դատական նիստը տեղի կունենա նոյեմբերի 23-ին՝ ժամը 10։30-ին։
Էմմա Չոբանյան
