29.06.2026 | 16:39
ՍԱՏՄ-ն կասեցրել է «Թամարա»-ի երեք կաթնամթերքի արտադրությունը
Իրանը տարածաշրջանի համար վտանգավոր է համարում լարվածությունը հայ-ադրբեջանական սահմանին
Քաղաքականություն
17.11.2021 | 13:07
Իրանի ԱԳ նախարարությունը մտահոգություն է հայտնել Ադրբեջանի և Հայաստանի միջև նոր ռազմական բախումների բռնկման կապակցությամբ՝ կոչ անելով երկու հարևաններին զսպվածություն ցուցաբերել և խուսափել լարվածության աճից, գրում է Tasnim-ը։
«Ինչպես նախկինում, Իրանի Իսլամական Հանրապետությունը պատրաստ է օգնել երկու կողմերին՝ կարգավորել տարաձայնություններն ու կայունություն և խաղաղություն հաստատել տարածաշրջանում»,- հայտարարել է Իրանի ԱԳՆ խոսնակ Սաիդ Խաթիբզադեն։
Նա հավելել է, որ բոլոր երկրները պետք է հարգեն միջազգայնորեն ճանաչված սահմանները և կոչ է արել Բաքվին և Երևանին՝ տարաձայնությունները հարթել երկխոսության և խաղաղ ճանապարհով։ Իրանի խոսնակը նախազգուշացրել է, որ շարունակվող մարտահրավերները վտանգ կներկայացնեն տարածաշրջանային խաղաղության և առաջընթացի ապահովման աստիճանական գործընթացի համար, հաղորդում է Press TV-ն։
Տաթև Ֆռանգյան
