13.01.2025 | 12:40
ՌԴ-ում Իրանի դեսպանը բացահայտել է Մոսկվա-Թեհրան ռազմավարական համագործակցության համաձայնագրի մանրամասները
Ադրբեջանցիներով շրջապատված Սյունիքի գյուղերին շտապօգնության ամենագնաց մեքենաներ կհատկացվեն․ ՏԵՍԱՆՅՈՒԹ
Հասարակություն
17.11.2021 | 12:01
ՀՀ առողջապահության նախարարության աշխատանքային խումբը նոյեմբերի 16-ին եղել է ՀՀ Սյունիքի մարզի մի շարք գյուղերում, որպեսզի բուժօգնության կարիք ունեցող անձանց խնդիրներն ուսումնասիրեն։ Այս մասին Ազգային ժողովում լրագրողների հետ ճեպազրույցում ասաց ՀՀ առողջապահության նախարար Անահիտ Ավանեսյանը` անդրադառնալով ՀՀ Սյունիքի մարզի Բարձրավան գյուղի (որը շրջափակման մեջ է հայտնվել Երևան – Կապան ճանապարհին ադրբեջանական մաքսակետի տեղադրման պատճառով), ինչպես նաև Ճակատեն, Սրաշեն, Շիկահող, Ներքին Հանդ, Ծավ և Շիշկերտ գյուղերի խնդիրներին, որոնց բնակիչները 150 կմ պետք է շրջանցեն Կապան հասնելու համար։
«Երեկ մեր թիմը եղել է բոլոր այդ այդ համայնքներում, այդ համայնքներն ամբողջովին կապահովվեն առաջին օգնության համար անհրաժեշտ բոլոր պարագաներով: Կապանի ու Գորիսի բժշկական կենտրոններին արդեն իսկ տրամադրվել են շտապօգնության ամենագնաց մեքենաներ, լրացուցիչ նորից կտրվի»,- նշեց Ավանեսյանը՝ վստահեցնելով, որ տեղի բնակիչների առողջությանը վերաբերող ցանկացած հարց կկազմակերպվի։
Մանրամասները՝ տեսանյութում:
