22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Թուրքիայի ՊՆ պատվիրակությունն ԱՄՆ-ում է՝ F-35 և F-16 կործանիչների շուրջ բանակցությունների համար
Քաղաքականություն
16.11.2021 | 17:12
Թուրքիայի Պաշտպանության նախարարությունը պատվիրակություն է ուղարկել ԱՄՆ՝ քննարկելու F-35 և F-16 կործանիչների հետ կապված իրավիճակը, որոնք Անկարան ցանկանում է գնել Վաշինգտոնից։ Այս մասին հայտնել է Թուրքիայի ազգային պաշտպանության նախարար Հուլուսի Աքարը ծրագրավորման և բյուջեի խորհրդարանական հանձնաժողովի նիստում։
«Մենք ուշադիր հետեւում ենք իրավիճակի զարգացմանը, անհրաժեշտ է Կոնգրեսի կողմից հաստատել մեր հայցը։ Եթե պատասխանը բացասական լինի, Թուրքիան ստիպված կլինի դիտարկել այլընտրանքային տարբերակներ։ Այս և նմանատիպ հարցերը շարունակում են քննարկվել, և այժմ մեր նախարարության պատվիրակությունը գտնվում է ԱՄՆ-ում»,- նախարարի խոսքերն է մեջբերում «Անադոլու» գործակալությունը։
Հիշեցնենք՝ 2019 թվականին, երբ Թուրքիան Ռուսաստանից գնեց S-400 հակաօդային պաշտպանության համակարգերը, ԱՄՆ-ն որոշեց դուրս թողնել Թուրքիային ամերիկյան F-35 կործանիչների ծրագրից և մինչ օրս չի տրամադրել գնված շուրջ 100 կործանիչները: Փոխհատուցում ստանալու ակնկալիքով վերջերս Անկարան դիմել էր Վաշինգտոնին՝ 40 միավոր F-16 կործանիչ գնելու, ինչպես նաև իր ունեցած մոտ 80 ամերիկյան կործանիչներն արդիականացնելու համար:
Տաթև Ֆռանգյան
