15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
ՌԴ-ի և Թուրքիայի ԱԳ փոխնախարարները քննարկել են «3+3» ձևաչափը մոտ ապագայում գործարկելու հարցը
Քաղաքականություն
15.11.2021 | 19:48
Ստամբուլում այսօր քաղաքական խորհրդակցություններ են տեղի ունեցել ՌԴ ԱԳ փոխնախարար Անդրեյ Ռուդենկոյի և Թուրքիայի ԱԳ փոխնախարար Սեդաթ Օնալի միջև։ Այս մասին տեղեկանում ենք ՌԴ ԱԳՆ պաշտոնական կայքից։
Հաղորդվում է, որ կողմերը քննարկել են Հարավային Կովկասում և Կենտրոնական Ասիայում ռուս-թուրքական համագործակցության հարցերի լայն շրջանակ։
«Բաքվի և Երևանի հարաբերությունների կարգավորման համատեքստում նշվել է ՌԴ-ի, Ադրբեջանի ու Հայաստանի առաջնորդների՝ 2020թ․ նոյեմբերի 9-ի և 2021թ․ հունվարի 11-ի եռակողմ պայմանավորվածությունների կատարման կարևորությունը։ Շեշտվել է մոտ ապագայում Հարավային Կովկասի «3+3» (Ադրբեջան, Հայաստան, Վրաստան և Ռուսաստան, Թուրքիա, Իրան) տարածաշրջանային խորհրդատվական մեխանիզմի գործարկման արդիականությունը»,- ասվում է հաղորդագրության մեջ։
Տեղի է ունեցել նաև կարծիքների փոխանակում Կենտրոնական Ասիայում տիրող իրավիճակի, այդ թվում՝ Աֆղանստանի վերջին զարգացումների շուրջ։ Նաև մի շարք հարցեր են բարձրացվել ԱՊՀ տարածքին առնչվող, մասնավորապես՝ Ուկրաինայում տիրող իրավիճակի մասով։
Էմմա Չոբանյան
