Քաղաքականություն
15.11.2021 | 18:35
Լիվերպուլից տաքսու վարորդ Դեյվ Փերին հազարավոր մարդկանց կյանքեր է փրկել հնարավոր ահաբեկչական հարձակումից։ Այս մասին գրում է The Sun-ը։
Պարբերականի աղբյուրի փոխանցմամբ՝ նոյեմբերի 15-ի առավոտյան զոհվածների հիշատակի օրվան հաջորդող հանգստյան օրը Լիվերպուլում պայթյուն է որոտացել։ Զոհվել է տաքսու ուղևորը, ըստ ոստիկանության՝ հենց նա էլ գործի է դրել պայթուցիկ սարքը։
Տղամարդը տաքսու վարորդին խնդրել է իրեն տանել Լիվերպուլի առաջնորդանիստ տաճար, որտեղ տոնի կապակցությամբ մեծ թվով մարդիկ էին հավաքված։ Շուրջ 2000 լիվերպուլցի էր հավաքվել՝ կիրակնօրյա պատարագի ժամանակ հիշատակելու իրենց հարազատներին, որոնք ընկել են Մեծ Բրիտանիայի մասնակցած տարբեր պատերազմներում։ Սակայն ուղևորը Փերիին կասկածելի է թվացել, այդ իսկ պատճառով նա նրան տարել է Լիվերպուլի կանանց հիվանդանոցի մոտ, որտեղ էլ մեքենայից դուրս է ցատկել ու կողպել դուռը, որպեսզի օգնություն կանչի։
Դրանից հետո հզոր պայթյուն է որոտացել։ Տաքսու վարորդը միջին ծանրության վնասվածքներ է ստացել, իսկ ուղևորը մահացել է ռումբի պայթյունի հետևանքով։ Բժիշկները Փերիի մոտ այրվածքներ ու բեկորային վնասվածքներ են ախտորոշել։
Սոցցանցերի բրիտանական հարթակում երախտիքով լցված անգլիացիները սկսել են Դեյվ Փերիին հերոս անվանել։
Տաթև Ֆռանգյան
