Քաղաքականություն
15.11.2021 | 17:47
Եվրամիության արտաքին գործերի նախարարները պատրաստվում են պատժամիջոցների նոր փաթեթ ընդունել Բելառուսի դեմ՝ դաշինքի արևելյան սահմանին միգրանտների հոսքի հետ կապված լարվածության սրման ֆոնին, գրում է Radio Liberty-ն:
Նոյեմբերի 15-ին Բրյուսելում կայանալիք հանդիպման ժամանակ նախարարները պետք է ճշգրտեն ավտորիտար ղեկավար Ալեքսանդր Լուկաշենկոյի և նրա վարչակարգի դեմ կիրառվող պատժամիջոցների տեսակները՝ ներառելով ավիաընկերություններին, տուրիստական գործակալներին և անձանց, որոնք ներգրավված են Լեհաստանի, Լատվիայի և Լիտվայի հետ սահամանին տիրող իրավիճակի հետ։
Ակնկալվում է, որ առաջիկա օրերին կհայտարարվեն այն անձանց անունները, որոնք կհայտնվեն պատժամիջոցների տակ։ Պատժամիջոցների թվում կլինեն ակտիվների սառեցումն ու ճանապարհորդության արգելքը:
Հիշեցնենք, որ հազարավոր մարդիկ, հիմնականում՝ Մերձավոր Արևելքից, ծանր պայմաններում արգելափակված են բելառուսական սահմանին տեղակայված ժամանակավոր ճամբարներում՝ փորձելով ապօրինի մուտք գործել ԵՄ տարածք։ ԵՄ-ն Լուկաշենկոյին մեղադրում է ապօրինի ներգաղթյաներին միության սահմաններին կուտակելու մեջ՝ այդ կերպ վրեժ լուծելով Բրյուսելի կողմից նախորդ տարվա վիճելի նախագահական ընտրություններից հետո Բելառուսի դեմ պատժամիջոցներ սահմանելու համար։
Տաթև Ֆռանգյան
