Մի խումբ ռուս պատգամավորներ ու քաղաքագետներ գրավյալ հայկական Շուշի ադրբեջանցիների հետ կոնֆերանս են անցկացրել․ ԼՈՒՍԱՆԿԱՐՆԵՐ

Լուրեր

17.11.2026 | 16:23
Սերբիայում ռազմական ինքնաթիռ է կործանվել․ օդաչուն զոհվել է
17.11.2026 | 16:14
«Աննախադեպ գործողություն»․ Զելենսկին մանրամասներ է հայտնել Ղրիմի կամրջին հարվածի գործողությունից
17.11.2026 | 16:13
Գևորգ Ղազարյանը խզել է պայմանագիրն «Արարատ-Արմենիայի» հետ
17.11.2026 | 16:06
Արամ Վարդևանյանն ու Հնդկաստանի դեսպանը քննարկել են սահմանադրական բարեփոխումների սահմանափակումների վերաբերյալ Հնդկաստանի փորձը
17.11.2026 | 15:54
Ֆրանսիան պատրաստվում է նոր բողոքի ցույցերի` մինչ արհմիությունները համազգային գործադուլի կոչ են արել
17.11.2026 | 15:43
2026-ին ՔԿՀ-ներում մահվան 4 դեպք է արձանագրվել․ ՀԿ-ները մտահոգություն են հայտնում
17.11.2026 | 15:34
Բնական է, 10 բալանոց խցանումը նյարդայնացնում է ոչ միայն տիկին Հակոբյանին, այլև բոլորիս. Ավինյան․ ՏԵՍԱՆՅՈՒԹ
17.11.2026 | 15:26
Պրահայում երկու ուղևորատար գնացքների բախման հետևանքով 46 մարդ է տուժել․ ՏԵՍԱՆՅՈՒԹ
17.11.2026 | 15:24
Ալիկ Սարգսյանի անվան հետ կապվող ընկերությանը ձևական մրցույթով հատկացված 3,6 մլրդ դրամի հողերի վարձակալությունն անվավեր է ճանաչվել
17.11.2026 | 15:18
6 ամսով ձերբակալված Ուսման Նուրմագոմեդովն ազատ է արձակվել ԱՄԷ-ում
17.11.2026 | 15:11
ՀՀ-ն և ՌԴ-ն երկաթուղու հարցն են քննարկում // Գերմանիայի ԱԳ նախարարը Հայաստան կգա․ ԼՈՒՐԵՐ
17.11.2026 | 15:00
Հինգ եվրոպական երկրներ միգրանտներին կարտաքսեն Ռուանդա․ այնտեղ միգրանտների կենտրոն են բացում
17.11.2026 | 14:51
Կրեմլը հայտնում է, որ Պուտինին զեկուցել են Ղրիմի կամրջի շուրջ ստեղծված իրավիճակի մասին
17.11.2026 | 14:49
Սամվել Կարապետյանի գործով դատական նիստը. ՈՒՂԻՂ
17.11.2026 | 14:42
Մեծ Բրիտանիան ողջունում է Հարավային Կովկասում խաղաղության հաստատման ուղղությամբ արձանագրված առաջընթացը
Բոլորը

ՌԴ-ից խորհրդարանականների, քաղաքագետների, պատմաբանների ու այլ փորձագետների պատվիրակություն է այցելել Արցախի գրավյալ հայկական Շուշի քաղաք։ Ադրբեջանական լրատվամիջոցների հաղորդմամբ՝ ռուսական պատվիրակությանն ուղեկցել են ադրբեջանցի գործընկերները, Ադրբեջանի նախագահի աշխատակազմի ներկայացուցիչներ, Միլի Մեջլիսի պատգամավորներ։

Հյուրերը նախ ժամանել են Արցախի գրավյալ Վարանդայի (Ֆիզուլի) օդանավակայան, ծանոթացել են նորակառույց, այսպես կոչված, «Հաղթանակի ճանապարհին»։ Ռուսական պատվիրակության անդամներն այնուհետ մեկնել են Շուշի, որտեղ էլ նոյեմբերի 13-ին տեղի է ունեցել «Խաղաղության ամրապնդման հիմնախնդիրները Կովկասյան տարածաշրջանում» առաջին միջազգային համաժողովը։ Զեկույցներով են հանդես եկել ինչպես ռուս պատվիրակները, այնպես էլ նրանց ադրբեջանցի գործընկերները։

Նշենք, որ ռուսական պատվիրակության կազմում հայկական Շուշի են այցելել Ռուսաստանում Ադրբեջանի հայտնի լոբբիստներ՝ քաղաքագետ Սերգեյ Մարկովն ու «Ազգային պաշտպանություն» ամսագրի գլխավոր խմբագիր Իգոր Կորոտչենկոն, ՌԴ Պետդումայի պատգամավոր, «Հայրենիք» կուսակցության նախագահ Ալեքսեյ Ժուրավլյովը։ Ի դեպ, վերջինս Շուշի հայկական եկեղեցիներն ակտիվորեն ներկայացնում է որպես ուղղափառ։ Շուշիի Սուրբ Հովհաննես Մկրտիչ եկեղեցին՝ հայտնի նաև որպես Կանաչ Ժամ, Ժուրավլյովը, որն այս տարի փետրվարին Ադրբեջան և Արցախի գրավյալ տարածքներ էր այցելել, ֆեյսբուքյան իր էջում գրառմամբ ներկայացրել էր որպես «հայերի կողմից օկուպացված ռուսական եկեղեցին»:

Հայկական Շուշին են այցելել նաև ՌԴ Պետդումայի միջազգային հարաբերությունների հանձնաժողովի նախագահ, թուրք-ադրբեջանցի հայտնի լոբբիստ Լեոնիդ Սլուցկիի օգնական Իբրահիմ Մալսագովը, հրապարակոս, լրագրող Դիոնիս Կապտարը, քաղաքական գիտությունների դոկտոր, պատմաբան, «Վալդայ» միջազգային բանավեճային ակումբի ծրագրային տնօրեն Օլեգ Բարաբանովը, պատմական գիտությունների դոկտոր, պրոֆեսոր Սերգեյ Վորոնինը, Ժամանակակից պետականության զարգացման ինստիտուտի տնօրեն Դմիտրի Սոլոննիկովը, Քաղաքական հետազոտությունների ինստիտուտի տնօրեն Դարիա Գրևցովան, փիլիսոփայության թեկնածու, Մոսկվայի պետական համալսարանի փիլիսոփայության ֆակուլտետի կրթության փիլիսոփայության ամբիոնի վարիչ Ելենա Բրիզգալինան, այլ գործիչներ։

Հավելենք, որ ադրբեջանական լրատվամիջոցների հետ զրույցներում ռուս պատվիրակները հանդես են եկել մի շարք հակահայկական հայտարարություններով։

Էմմա Չոբանյան