29.06.2026 | 13:12
Եվրոպայում ծայրահեղ շոգի պատճառով հունիսի 21-ից ավելի քան 1300 մարդ է մահացել․ ԱՀԿ ղեկավար
Լատվիան Բելառուսի հետ սահմանին չհայտարարված զորավարժություններ է սկսել
Քաղաքականություն
15.11.2021 | 15:52
Լատվիայի հարավ-արևելքում նոյեմբերի 14-ին երկրի Զինված ուժերը չհայտարարված զորավարժություններ են սկսել։ Պաշտպանության նախարար Արտիս Փաբրիքսի խոսքով՝ զորավարժություններին նախատեսվում է ներգրավել Ազգային զինված ուժերի և Ազգային գվարդիայի ստորաբաժանումների մոտ 3000 զինծառայողի, գրում է DW-ի ռուսական ծառայությունը։
Երկրի ՊՆ մամուլի քարտուղարի խոսքով՝ «The Decisive Point» զորավարժությունները կտևեն մինչև դեկտեմբերի 12-ը։ Դրանց նպատակն է՝ փորձարկել ռազմական և հրամանատարական տարբեր կառույցների, ինչպես նաև նյութատեխնիկական ապահովման և շարժունակության հնարավորությունների լայնածավալ համագործակցությունը։ Զորավարժությունների մասին տեղեկացվել են Եվրոպայի անվտանգության և համագործակցության կազմակերպության (ԵԱՀԿ) անդամ երկրները, այդ թվում՝ Ռուսաստանը և Բելառուսը, հայտնել է նա Leta-ին։
Պաշտպանության նախարարն անուղղակիորեն հաստատել է, որ զորավարժությունները կապված են Բելառուսի հետ Լատվիայի, Լիտվայի և Լեհաստանի սահմանին տիրող ճգնաժամի հետ։
«Ես խնդրեցի հայտարարել Լատվիայում զորավարժությունների մեկնարկի մասին, որպեսզի մեր բելառուս գործընկերները, եթե կարող ենք նրանց այդպես անվանել, իմանան, որ դա հենց այնպես չէ»,- ասել է Փաբրիկսը լրագրողներին։
Տաթև Ֆռանգյան
