25.04.2026 | 13:10
Առաջիկա 5 օրերի եղանակային կանխատեսումը
Հերթական ահաբեկչությունը Քաբուլում․ վիրավորներ կան
Քաղաքականություն
15.11.2021 | 13:30
Աֆղանստանի մայրաքաղաք Քաբուլում այսօր պայթյուն է որոտացել։ Առնվազն երեք մարդ վիրավորվել է, հաղորդում է National Post-ը:
Պայթյունը տեղի է ունեցել Կոտե Սանգի շրջանում։ Հայտնի է, որ մագնիսական ական է պայթել:
«Ես գնորդով էի զբաղված, երբ պայթյունը որոտաց։ Տեսնում էի, թե ինչպես էին մարդիկ տանում տուժածներին, չգիտեմ՝ նրանք սպանվե՞լ էին, թե՞ վիրավորվել»,- պատմել է խանութներից մեկի սեփանակատեր Ահմադ Մուրթազան։
Միջադեպը տեղի է ունեցել Քաբուլի արեւմտյան հատվածում մագնիսական ռումբի միջոցով միկրոավտոբուսի պայթեցումից երկու օր անց։ Այն ժամանակ մի քանի մարդ զոհվեց և վիրավորվեց։ Պայթյունի պատասխանատվությունը ստանձնել է «Իսլամական պետությունը»։
Ավելի վաղ հաղորդվել էր Աֆղանստանի մզկիթներից մեկում պայթյունի մասին։ Առնվազն երկու մարդ զոհվել էր, 17-ը՝ վիրավորվել։ Հարձակման պատասխանատվությունը դեռ ոչ ոք չի ստանձնել։
Տաթև Ֆռանգյան
