25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Լեհաստանի ՆԳՆ-ն հայտարարել է, որ ներգաղթյալներին նախապատրաստում են սահմանի զանգվածային ճեղքման
Քաղաքականություն
15.11.2021 | 12:58
Լեհաստանի ՆԳՆ-ն զգուշացրել է, որ բելառուսա-լեհական սահմանի մոտ գտնվող միգրանտների շրջանում կեղծ լուրեր են տարածվում Գերմանիայից ժամանած ավտոբուսների մասին, որպեսզի նրանց դրդեն սահմանային պատնեշների զանգվածային ճեղքում իրականացնել, գրում է BBC-ի ռուսական ծառայությունը։
Լեհաստանի իշխանությունները մի քանի լեզուներով տեքստային հաղորդագրություններ են ուղարկում Բելառուսի սահմանային գոտում գտնվող բոլոր բջջային հեռախոսներին՝ կոչ անելով չհավատալ այդ լուրերին։
Նույն հաղորդագրությունները բարձրախոսներով հաղորդվում են նաև երկրի հյուսիս-արևելքում գտնվող Կուժնիցա անցակետում։ Բոլոր ուժային կառույցների ներկայացուցիչները զգոն վիճակում են, Twitter-ում հայտնել է Լեհաստանի ՆԳՆ-ն։
Հիշեցնենք՝ բելառուսա-լեհական սահմանին Մերձավոր Արևելքի երկրներից հազարավոր միգրանտներ են կուտակվել, որոնք ժամանել են Բելառուս՝ այնտեղից Եվրոպա հասնելու հույսով։ Լեհաստանը, ինչպես նաև Լիտվան և Լատվիան, թույլ չեն տալիս նրանց հատել սահմանը՝ մատնանշելով, որ սահմանին հսկայական թվով միգրանտների հայտնվելը արհեստականորեն հրահրել է Բելառուսը՝ Ռուսաստանի օգնությամբ՝ ի պատասխան պատժամիջոցների։ Լեհաստանի իշխանությունները Լուկաշենկոյին և Պուտինին մեղադրում են «գանգստերական մարտավարության» և «հիբրիդային մանիպուլյացիաների» մեջ։ Երկու առաջնորդներն էլ հերքում են մեղադրանքները։
Մանրամասները՝ տեսանյութում։
Տաթև Ֆռանգյան
Aktualna sytuacja w Kuźnicy. Wszystkie nasze służby są w gotowości.
— MSWiA (@MSWiA_GOV_PL) November 14, 2021
📣 Przez głośniki nadawane są komunikaty w kilku językach. pic.twitter.com/kMu6Y4M0Nc
