22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Որքան մարդ մասնակցեց այսօրվա ՏԻՄ ընտրությունների քվեարկությանը. ԿԸՀ-ի ամփոփիչ տվյալները
Քաղաքականություն
14.11.2021 | 21:29
ՀՀ կենտրոնական ընտրական հանձնաժողովն ամփոփել է այսօր կայացած ՏԻՄ ընտրությունների մասնակցության արդյունքները։
Ըստ այդմ՝ Կապանում ընտրելու իրավունք ունեցող 31 644 քաղաքացիներից քվեարկությանը մասնակցել է 20 087 ընտրող, կամ ընտրողների 63.48 տոկոսը:
Իջևանում ընտրելու իրավունք ունեցող 33 090 ընտրողից մասնակցել է 12 384-ը կամ 37.43 տոկոսը:
Ստեփանավանում 13 333 ընտրողից քվեարկել է 5107-ը, կամ 38.30 տոկոսը:
Լերմոնտովո համայնքում 679 ընտրողից մասնակցել է 196-ը, կամ 28.87 տոկոսը:
Իսկ Արզնի համայնքում 2052 ընտրողից 521-ը կամ 25.39 տոկոսը:
Բոլոր համայնքներում, ընդհանուր առմամբ, ընտրելու իրավունք ունեցող 80 798 ընտրողներից ՏԻՄ ընտրություններին մասնակցել է 38 295 քաղաքացի կամ ընտրողների 47.40 տոկոսը:
Հիշեցնենք, որ այսօր՝ նոյեմբերի 14-ին, 4 մարզերի 5 համայնքներում կայացան ՏԻՄ ընտրություններ։ Համամասնական ընտրակարգով ընտրություններ էին Լոռու մարզի Ստեփանավան, Սյունիքի մարզի Կապան, Տավուշի մարզի Իջևան համայնքներում։ Իսկ մեծամասնական ընտրակարգով ընտրություններ անցկացվեցին Կոտայքի մարզի Արզնի և Լոռու մարզի Լերմոնտովո համայնքներում։
Այս պահին ընտրատեղամասերում շարունակվում է քվեաթերթիկների հաշվարկը։
ՏԻՄ ընտրություններ կկայանան նաև դեկտեմբերի 5-ին 9 մարզերի 36 համայնքներում։
Մերի Մարտիրոսյան
