22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ընտրատեղամասերը փակվեցին․ մեկնարկել է քվեաթերթիկների հաշվարկի գործընթացը
Քաղաքականություն
14.11.2021 | 20:19
Այսօր՝ ժամը 20.00-ին, փակվեցին ՏԻՄ ընտրությունների առթիվ հանրապետությունում բացված բոլոր 99 ընտրատեղամասերը։ Քիչ անց կմեկնարկի քվեաթերթիկների հաշվարկի գործընթացը և մինչև օրվա ավարտ պարզ կդառնան ընտրությունների նախնական արդյունքները։
Հիշեցնենք, որ այսօր՝ նոյեմբերի 14-ին, 4 մարզերի 5 համայնքներում ՏԻՄ ընտրություններ են անցկացվում։ Համամասնական ընտրակարգով ընտրություններ են Լոռու մարզի Ստեփանավան, Սյունիքի մարզի Կապան, Տավուշի մարզի Իջևան համայնքներում։
Այս 3 համայնքում ՏԻՄ ընտրությունների նախապատրաստման համար կառավարությունը ոստիկանությանը հատկացրել էր 25 մլն 249 հազար դրամ։
Իսկ մեծամասնական ընտրակարգով ընտրություններ են անցկացվում Կոտայքի մարզի Արզնի և Լոռու մարզի Լերմոնտովո համայնքներում։
Իստ ՀՀ կենտրոնական ընտրական հանձնաժողովի՝ ՏԻՄ ընտրությունների մասնակցության արդյունքները ժամը 17.00-ի դրությամբ հետևյալն էին. բոլոր համայնքներում, ընդհանուր առմամբ, ընտրելու իրավունք ունեցող 80 798 ընտրողներից ընտրություններին մասնակցել էր 31 010 քաղաքացի կամ ընտրողների 38.38 տոկոսը: Վերջնական տվյալը պարզ կլինի քիչ անց։
Նշենք նաև, որ ՏԻՄ ընտրություններ են սպասվում նաև դեկտեմբերի 5-ին 9 մարզերի 36 համայնքներում։
Մերի Մարտիրոսյան
