09.06.2026 | 00:17
Մարկո Ռուբիոն շնորհավորել է Փաշինյանին
Ռուս խաղաղապահները Արցախի քաղաքացուն տարել էին անվտանգության նկատառումներից ելնելով․ առաջիկա ժամերին կհանձնվի իրավապահներին․ ԱՀ ՄԻՊ
Հասարակություն
13.11.2021 | 13:05
Ստեփանակերտ-Բերձոր միջպետական ճանապարհի՝ Շուշիի հատվածում այսօր վաղ առավոտյան արձանագրված դեպքի առնչությամբ Արցախի Հանրապետության քաղաքացին գտնվում է ռուսական խաղաղապահ զորակազմի կենտրոնակայանում. տեղեկացնում է Արցախի Հանրապետության ՄԻՊ Գեղամ Ստեփանյանը:
«Ռուսական կողմի հետ քննարկումներում ստացել ենք պարզաբանում, որ Արցախի քաղաքացին իրենց մոտ է տարվել անվտանգության նկատառումներից ելնելով և առաջիկա ժամերին հանձնվելու է Արցախի իրավապահներին։
Մարդու իավունքների պաշտպանի աշխատակազմն այցելելու է քաղաքացուն անհրաժեշտ իրավական աջակցություն տրամադրելու համար։
Հավելյալ տեղեկություններ կտրամադրենք առաջիկայում»,- գրել է Ստեփանյանը:
