07.11.2024 | 16:45
ԵՄ 27 երկրների առաջնորդները կքննարկեն Վրաստանում հետընտրական իրավիճակը
Էրդողանն առաջարկել է ինքնահռչակ Հյուսիսային Կիպրոսն ընդգրկել Թյուրքալեզու պետությունների համագործակցության խորհրդի կազմում
Քաղաքականություն
12.11.2021 | 19:55
Ինքնահռչակ Հյուսիսային Կիպրոսի Թուրքական Հանրապետությունը (ՀԿԹՀ) շուտով կարող է ներառվել Թյուրքալեզու պետությունների համագործակցության խորհրդի կազմում (CCTS, Թյուրքական խորհուրդ): Այս սցենարի մասին հայտարարել է Թուրքիայի նախագահ Ռեջեփ Թայիփ Էրդողանը Ստամբուլում անցկացվող CCTS անդամ երկրների VIII գագաթնաժողովի բացման ժամանակ, հաղորդում է TRT-ն։
«Մենք անկեղծորեն ցանկանում ենք առաջիկայում մեր շարքերում տեսնել Հյուսիսային Կիպրոսի Թուրքական Հանրապետությունը, այդ ժամանակ մեր կազմակերպությունը է՛լ ավելի կհարստանա»,- ասել է նա։
Էրդողանը նաև հույս է հայտնել, որ Թյուրքական խորհուրդը կնպաստի Հյուսիսային Կիպրոսի «ապաշրջափակմանը»։
Կիպրոսը բաժանված է հունական և թուրքական համայնքների միջև 1974 թվականին թուրքական զինված ներխուժումից հետո։ 1983 թվականին ստեղծվել է Հյուսիսային Կիպրոսի Թուրքական Հանրապետությունը, որը ճանաչվել է միայն Անկարայի կողմից։
Տաթև Ֆռանգյան
